(Intro in Mahabharat Serial intro song style)
jab swarth sarthak sarvada...II siddhanton sey bane neta, neta wo mahan they Aadarshon ki neev thi, woh praja ki awaaz they. loktantra ki reed tuti, ab Laxmi hi bhramand hai Maton ki bhi Bank hai, bandhak High command hai. toh Neta vyapari bane hai, paksh ek tatvon ki dukaan hai nirdhan jan ki sabhaon ko siddhant bech rahe hai. toh jan money gaan karo phir mat daan karo pragati ka kar asthi visarjan phir Ganga mein snan karo. Rashtra ke is haal par Rajkartaon ke sawaal hai sawaal bhari sabhaon mein Javaabon ka akaal hai. bapuji ne bola hai ki charkha chalao hamre netaji bolat chalo chara khao hai soot aur sood mey phase hum aur aap hai... kehte isiko shayad generation gap hai. Ganga aur Gandhi ke ye 2G ko salaam hai kalamwalon ke dursancharon ko salaam hai samyavaad aur punjivaad ke gathbandhan ko salaam aise janapathi netaon ko bhi salaam hai! rajneet aur khaddar key sahkarya ko salaam hai sarkar aur vyaparsangh key mel-jol ko salaam hai uska natija hua, chavvani yaro chali gayi shasan ka dava hai ab garib jald jane hai Har hadsey ke peeche, videshi takaton ke hath hai hath ki safai mey dekho kamal yeh sath hai khan daan ki inhone jaise baap ka hi maal hai Desh ki dukaan mey zameer horaha nilaam hai.